ખેરાલુ તાલુકાના અંબાવાડા ગામે ચામુંડા યુવક મંડળ દ્વારા પ્રથમ લગ્ન મહોત્સવ નું આયોજન કરવામાં આવ્યું.

ખેરાલુ તાલુકાના અંબાવાડા ગામે ચામુંડા યુવક મંડળ દ્વારા પ્રથમ લગ્ન મહોત્સવ નું આયોજન કરવામાં આવ્યું. જેમાં ખેરાલુના ધારાસભ્ય ને અંબાવાડાથી સિપોર સુધી ના રોડ માટે ગ્રાન્ટ ફાળવવા રજુઆત કરી હતી.

તમામ મહેમાનોનું ઠાકોર સમાજના રીતરિવાજ મુજબ દરેક મહેમાનને માથે સાફો પહેરાવી, તલવાર આપી, શાલ અને ફુલહારથી પહેરાવીને ધામધૂમથી સ્વાગત કરવામાં આવ્યુ હતું. જુગલજી ઠાકોર એ તેમના પ્રવચનમાં કહ્યું હતું કે ઠાકોર સમાજને આગળ લાવવા માટે શિક્ષણની જરૂરિયાત વધારે છે. અને જે આજે સમૂહ લગ્નમાં જે નવદંપતીઓએ પ્રભુતામાં પગલાં માંડ્યા છે તેઓએ પણ અભ્યાસ ચાલુ હોય તો અભ્યાસ ચાલુ રાખવા જણાવ્યું હતું. તેમજ શિરોમણી સંત શ્રી પરબત બાપુ મહારાજે આશિર્વચન આપ્યા હતા.તમામ મહેમાનોએ 9 યુગલ નવદંપત્તિઓ ને આશીર્વાદ આપ્યા હતા. ચામુંડા યુવક મંડળ દ્વારા આ પ્રથમ સમુહ લગ્ન મહોત્સવ ભાગ લેનાર નવદંપતીઓને ભેટ સોગાદ આપી હતી.