સતલાસણા તાલુકાના જુનાસુદાસણા ગામે દશ દિવસ થી પીવાના પાણીની ભયંકર હાડમારી

મારો અવાજ,
ઉનાળાની સિઝનમા સુદાસણા ગામે પંચાયત ની વહીવટી ખામીને કારણે ભયંકર મુશ્કેલી ઉભી થઇ છે.ગામને ધરોઇ યોજનાનુ પુરતુ પાણી આવે છે પરંતુ ગામની વિતરણ વ્યવસ્થા ખોરવાઈ ગઈ છે.

પંચાયતના સરપંચ ની મુદત પૂરી થતા વહીવટદારની નિમણૂક કરવામાં આવી છે જે બિલકુલ હાજર રહેતા નથી.તથા ગામજનોના ફોન પણ ઉપાડતા નથી.ગામની મુખ્ય ટાંકીથી વિતરણ કરાતી લાઇનનો વાલ્વ બગડવાથી પાણી બંધ હોવાનુ જાણવા મળ્યુ છે.આખરે કંટાળેલા ગ્રામજનો બે દિવસ માં પાણી ન આવે તો તાલુકા પંચાયતમા માટલા ફોડનો કાર્યક્રમ કરે તેવી શક્યતાઓ છે.અત્યારે તો છતા પાણીએ સુદાસણા ગામલોકો પાણી વગર ભયંકર તકલીફ ભોગવે છે.