મારો અવાજ,
ગુજરાત વિધાનસભા ચૂંટણી પહેલા ગુજરાત કોંગ્રેસને વધુ એક ફટકો લાગ્યો છે. ગુજરાત વિધાનસભા ચૂંટણી માથા પર છે ત્યારે કોંગ્રેસના બે મોટા નેતાઓએ રાજીનામાં આપી દીધા છે. પૂર્વ ગૃહમંત્રી નરેશ રાવલ અને પૂર્વ સાંસદ રાજુ પરમારે કોંગ્રેસમાંથી રાજીનામું આપી દીધું છે. આ કોંગ્રેસના આ બંને નેતાઓએ કોંગ્રેસ અધ્યક્ષાને પત્ર લખી રાજીનામું આપી દીધુ.
વિજાપુર વિધાનસભા બેઠક પરથી કોંગ્રેસના ત્રણ વખતના ધારાસભ્ય અને પૂર્વ ગૃહ રાજ્યમંત્રી નરેશ રાવલે કહ્યું, “મને પાર્ટી સાથે ઘણી ફરિયાદો છે, પરંતુ આ તમામ મુદ્દાઓ પર વાત કરવાનો આ યોગ્ય સમય નથી, પરંતુ પાર્ટીને ‘જય હિન્દ’ કહેવું જોઈએ અને કહેવાનું નક્કી કર્યું. હું ટૂંક સમયમાં ભાજપમાં જોડાઈશ અને પાર્ટી નેતૃત્વ મને જે પણ કહેશે તે કરીશ.”
કોંગ્રેસ નેતા રાજુ પરમારે પણ ખુલાસા કર્યા
કોંગ્રેસના નેતા અને રાજ્યસભાના પૂર્વ સાંસદ રાજુ પરમારે જણાવ્યું હતું કે, “હું છેલ્લા 35 વર્ષથી કોંગ્રેસ સાથે જોડાયેલો છું. મને પાર્ટી સાથે કોઈ ફરિયાદ નથી, પરંતુ કમનસીબે પાર્ટી નેતૃત્વએ નવા આવનારાઓને મહત્વ આપવાનું શરૂ કર્યું છે. ક્યારેય કોઈ પદની માંગણી કરી નથી. કમનસીબે પાર્ટી દેવું ચૂકવવાની તક આપી રહી નથી.
