મારો અવાજ,
બિહારના છપરામાં 24 કલાકમાં ઝેરી દારૂના કારણે 8 લોકોના મોત થયા છે. 30થી વધુ લોકોની તબિયત ખરાબ હોવાનું કહેવાય છે, જેમાંથી 11 લોકોની આંખોની રોશની ગઈ છે. આ ઘટનામાં છપરા જિલ્લા મેજિસ્ટ્રેટ રાજેશ મીણાએ આઠ લોકોના મોતની પુષ્ટિ કરી છે. જિલ્લા મેજિસ્ટ્રેટ પણ ટીમ સાથે ગામમાં પહોંચ્યા હતા. આ દરમિયાન એવું પણ કહેવામાં આવ્યું હતું કે, પ્રથમદર્શી મૃત્યુ ઝેરી દારૂ પીવાથી થયું છે. તપાસ કરવામાં આવી રહી છે.
હાલમાં પટનાના પીએમસીએચમાં એક ડઝનથી વધુ લોકો દાખલ છે. પાંચ લોકોની સદર હોસ્પિટલમાં સારવાર ચાલી રહી છે. અહીં, પોલીસ અધિક્ષકે જણાવ્યું કે ઘટનાના સંબંધમાં તપાસ ચાલી રહી છે. પોલીસ પોતાનું કામ કરી રહી છે. બાબતે તપાસ ચાલુ છે.
