જીપેરી કેમ્પસ ખાતે ભવ્ય સ્ટાર્ટ અપ પ્રદર્શનનું આયોજન.

મારો અવાજ,
ગુજરાત પાવર એન્જિનિયરિંગ એન્ડ રિસર્ચ ઇન્સ્ટિટ્યૂટ, મેવડ કોલેજ જીટીયુ સંચાલિત અને ઉત્તર ગુજરાતની જીટીયુ ઇનોવેશન અને સ્ટાર્ટ અપ પ્રાદેશિક સેલ ધરાવનાર એકમાત્ર સંસ્થા છે. કોલેજ દ્વારા આગામી 4 માર્ચ 2023 (શનિવાર) ના રોજ જીટીયુ સ્ટાર્ટ અપ પ્રદર્શનનું આયોજન કોલેજ કેમ્પસ ખાતે કરવામાં આવ્યું છે. જેમાં ધોરણ 8 થી 11 ના શાળાના તેમજ ડિપ્લોમા અને ડિગ્રી એન્જિનિયરિંગના રસ ધરાવતા તમામ વિદ્યાર્થીઓને આમંત્રિત કરવામાં આવ્યા છે. આ પ્રદર્શનમાં આવનાર વિદ્યાર્થીઓ માટે એક પરિચય સત્ર અને SSIP-2 (વિદ્યાર્થી સ્ટાર્ટ અપ અને ઇનોવેશન પોલિસી) વિશે ટૂંકમાં માહિતી આપવાનું આયોજન કરવામાં આવ્યું છે. જેમાં GISC પ્રાદેશિક કેન્દ્ર દ્વારા નવીન વિચાર ઉત્પાદનમાં પરિવર્તિત થઈ શકે છે એ વિષે પૂરી પાડવામાં આવતી સુવિધાઓ વિષે માહિતી આપવામાં આવશે. આ સમગ્ર પ્રદર્શનનું આયોજન પ્રિન્સિપાલ ડો. ચિરાગ વિભાકરના માર્ગદર્શન હેઠળ કરવામાં આવશે. સંપર્ક નંબર :- +919033992273