બનાસકાંઠા જિલ્લાના ગઢ પોલીસે 38 મોબાઇલ સાથે તસ્કર ગેંગને ઝડપી પાડી છે. ગઢ પોલીસે ડીસાના ચાર આરોપીઓને ઇકો ગાડી સહિત 7 લાખના મુદ્દામાલ સાથે ઝડપ્યા હતા. આ ગેંગ બનાસકાંઠા, પાટણ, રાજસ્થાન સહીત હાઇવેની હોટલ ઉપર મોબાઈલની ચોરી કરતી હતી. પોલીસ ચોરીના મુદ્દામાલ સાથે ચારની અટકાયત કરી આગળની તપાસ હાથ ધરી છે.ગઢ પોલીસ સ્ટેશનમાં મોબાઈલ ચોરીનો અનડીટેક્ટ ગુનો તા 18 માર્ચના દાખલ થયેલો હતો. જે ગુનાની તપાસ દરમ્યાન પોલીસે બનાવ સંદર્ભે સીસીટીવી ફુટેજ તથા ટેકનીકલ સર્વેલન્સની મદદથી સદરે ચોરીના ગુનામાં વપરાયેલ મારૂતી ઇક્કો ગાડી નંબર GJ – 08 – AP – 8660 શોધાયેલી જે અંગે બાતમી – હકીકત મેળવી ચંડીસર જી.આઈ.ડી.સી. આગળ ગાડીની તપાસમાં હતા. ત્યારે પોલીસે ગાડી સાથે 4 આરોપીઓને ઝડપી પાડ્યા હતા અને મોબાઈલ ચોરીનો ભેદ ઉકેલ્યો હતો.
1 વિપુલભાઈ મંગાભાઈ રાવળ ધંધો રહે.ચંદ્રલોક
સોસાયટી શારદા સાડી શોરૂમની પાછળ ડીસા, 2 દશરથભાઈ કલ્યાણભાઈ ચૌહાણ ગાદલીયા લવાર રહે.સુભાષચોક રિસાલાબજાર ચૌધરી પેટ્રોલપંપની બાજુમાં ડીસા 3 રણજીત ઉર્ફે ભાણો અમરતભાઈ ઠક્કર રહે.મુળ નવી ભીલડી માર્કેટની સામે એસ.એમ.ઠક્કરની ચાલી ડીસા હાલ રહે.ગવરી સદન સોસાયટી જુના ભોયણ ડીસા 4 અસગરઅલી ઉર્ફે અલી બિલાલભાઈ અહેમદભાઈ પવાર મહંમદપુરા ગવાડી ડીસા બનાસકાંઠાવાળાઓને ઝડપ્યા હતા. આરોપીઓ પાસેથી ગુનાના કામે ચોરાયેલ એન્ડ્રોઈડ મોબાઈલ ફોન 2 તેમજ આ સિવાય દાંતા રતનપુર ચોક્ડી, મુડેઠા, ભીલડી, થરાદ, ચડોતર, સિધ્ધપુર, હારીજ, હિમતનગર, રાધનપુર, બાડમેર, ધોરીમન્ના,સાંચોર,મંડાર તેમજ બીજી અલગ અલગ જગ્યાએથી રાત્રીના સમયે રોડ ઉપર આવેલ હોટલ,ધાબા,પાર્લર તેમજ પાર્ક કરેલ વાહનોમાંથી ચોરી કરેલ મોબાઈલ 38 ગુનામાં સંડોવાયેલી ઈક્કો ગાડી નંબર GJ 08 AP 8660 સહીત કુલ 7 લાખ 23 હજારનો મુદ્દામાલ કબજે કરી કાયદેસરની કાર્યવાહી હાથ ધરી છે.
